Kocap kacaritakeun di hiji leuweung aya sajodo Dewa anu keur ngajalankeun hukuman. Anjeunna ngajalankeun hukuman, dibuang ka alas Kaniaka ku Hiyang Otipati ti kahiyangan. Dewa lalakina dihukum jadi jurig, sedengkeun awewena anu katelah Bandung Bandawasa dihukum jadi batu. Ari nu jadi sabab dihukum, nyaeta alatan nyokot senjata pusaka Lugita Sari (gada) di Kahiyangan.
Dina lalampahanana Bima putra Pandawa papanggih jeung Dewa. Dewa masrahkeun senjata pusaka Lugita Sari nu kungsi dipaling tea supaya digunakeun keur kamaslahatan di dunya. Eta senjata pusaka teh beuratna 100 kati.
Sanggeus Bima narima senjata pusaka Lugita Sari, Bima neruskeun deui lalampahanana. Di tengah alas Kaniaka Bima ngarasa kaget sabab aya hiji jelema keur nyeungceurikan batu. Mana horeng eta teh Dewa nu keur dihukum tea. Bima nyeungseurikeun jelema anu mahiwal.
Ngarasa dilelewa, sabab diseungseurikeun eta Dewa teh amarah kacida. Tungtungna, der bae gelut rongkah. Dina patarunganna Bima meunang. Sedengkeung Dewa nu dielehkeun ku Bima sapada harita les ngaleungit, nitis ka Bima. Harita Bima nambah kakuatan ku 60 tanaga kuda.
Sanggeusna Dewa nitis ka Bima, Dewa nu nitis teh menta ka Bima supaya pamajikanana, ''Bandung Bandawasa'', nu disupata jadi batu diancurkeun ku Bima. Bima nedunan pamenta Dewa, tuluy batu diteunggeul ku Bima make senjata Lugita Sari. Batu ancur, janggelek jadi awewe geulis, nyaeta Bandung Bandawasa tea. Saterusna Bandung Bandawasa nitis ka Dewi Arimbi.
(Dirope tina buku Cara Cepat Belajar Bahasa Sunda. kenging: Suhaya, S.IP., dkk)
